කන්දේ පැලීම් පස් මිශ‍්‍රණයකින් වැහුවම අවදානම අඩු වෙනවා..

බදුල්ල අළුගොල්ල කන්දේ පුපුරා ගොස් ඇති ස්ථාන යම් මිශ්‍රණයක් යොදා වසා දැමීමට ජාතික ගොඩනැගිලි පර්යේෂණ සංවිධානය නිර්දේශ කර තිබෙන බවත් එමගින් අවදානම් තත්ත්වය අවම කරගත හැකි බවත් වැවිලි ඇමැති සමන්ත විද්‍යාරත්න පැවසීය.

මෙම කන්දේ 1986 වසරේදී ද ‘M’ ආකාරයෙන් පැළුම් කිහිපයක් සිදුව ඇති බව ජාතික ගොඩනැගිලි පර්යේෂණ සංවිධානයේ වාර්තාවේ සඳහන් කර ඇති බවද මේ වනවිට නිලධාරීන්ගේ උපදෙස්වලට අනුව ජනතාව කටයුතු කරමින් සිටින බවද හෙතෙම කීවේය.

මහින්දට සැත්කමක්...

හිටපු ජනාධිපති මහින්ද රාජපක්ෂ මහතාට සාමාන්‍ය සැත්කමක් සිදුකර තිබේ.

කොළඹ පෞද්ගලික රෝහලකදී පසුගියදා මෙම සැත්කම සිදු කර ඇත.

සුළි කුණාටුව ගැන කලින් කිවුවා කිවු මාධ්‍ය නාලිකා ගැන රහස් පොලිසියට පැමිණිලි කෙරේ...

මෙරටට බලපෑ දිට්වා සුළිකුණාඩුව සම්බන්ධයෙන් මහජන කැළඹීමක් ඇතිවෙන ආකාරයෙන් පුවත් වාර්තා කළ මාධ්‍ය නාලිකා සම්බන්ධයෙන් විමර්ශනයක් සිදු කරන ලෙස අපරාධ පරීක්ෂණ දෙපාර්තමේන්තුවට පැමිණිල්ලක් කර තිබේ.

පසුගිය දොළොස්වැනි දා සිට මෙම කුණාටුව සම්බන්ධයෙන් ආණ්ඩුවට දැනුම් දුන් බවටත් පවසමින් ජනතාව ප්‍රකෝපයට පත්වන ලෙසින් ඇතැම් මාධ්‍ය නාලිකා කටයුතු කරන ලද බවත් එම පැමිණිල්ලෙන් කියා ඇත.

උතුමාණෝ ජිනීවාවලට කැළණියෙන් එක වයසෙ ගොනෙක් දාන්න යන්නේ..- උවිඳු

ශ්‍රී ලංකාව නියෝජනය කරන ජිනීවාහි තානාපති ධුරය සඳහා ජනාධිපතිවරයාගේ සමකාලීන කැලණි විශ්ව විද්‍යාල මිතුරක පත් කරන්න සූදානම් වන බව ජනාධිපතිවරයාගේ සමීප මිතුරෙකු වන ලන්ඩනයේ වෙසෙන මාධ්‍යවේදී උවිඳු කුරුකුලසූරිය මහතා සඳහන් කරයි.

තම සමාජ ජාල ගිණුමේ සටහනක් තබමින් ඔහු මේ බව සඳහන් කර තිබේ.
උතුමාණෝ ජිනීවාවලටත් දාන්න යන්නෙ කැළනි විශ්ව විද්‍යාලයේ එක වයසෙ ගොනෙක්ව. අපි ඌට පොඩි කාලෙ කියන්නෙ ෆොටෝ පිස්ස කියල. මේ මම දැන් ප්‍රසිද්ධයේ දාන්නෙ ලංකාවෙ හිටපු නියම විශ්‍රාමික තානාපති කෙනෙක් මට එවපු පණිවිඩය.

නුවරඑලියට පිවිසීමට ඇති මාර්ග සියල්ලම විවෘතයි..

“දිට්වා” සුලි කුණාටුවත් සමග නුවරඑලියට පිවසීමට තිබු මාර්ග 4ක් නාය ගොස් සහ පස් කදු කඩා වැටීමෙන් ගමනා ගමන කටයුතු ඇන හිට තිබූ බවත්, (10) දින වන විට නුවරඑලියට පිවිසීමට තිබෙන නුවරඑලිය මහනුවර මාර්ගය ඇතුලු මාර්ග 4ක් යථා තත්වයට පත් කර ඇති බව නුවරඑලිය දිස්ත්‍රික් ලේකම් තුෂාරි තෙන්නකෝන් මහත්මිය පැවසීය.

මා ඇතුලු සියලු දෙනා නිදොස් කොට නිදහස් කලා..

තමන් ඇතුළු නිලධාරීන් පිරිසක් ග්‍රීක බැඳුම්කර ආයෝජනය සම්බන්ධයෙන් එල්ල වූ චෝදනාවලින් මහා අධිකරණය විසින් නිදොස් කොට නිදහස් කර ඇතැයි ශ්‍රී ලංකා මහ බැංකුවේ හිටපු අධිපතිවරයා වන අජිත් නිවාඩ් කබ්රාල් මහතා පවසයි.

වසර ගණනාවක් තිස්සේ මෙම චෝදනා එල්ල වීම හේතුවෙන් මානසික පීඩනයක් ගෙන දීමට උත්සාහ කළද, තමාට එසේ නොවූ බවත්, තමා විශ්වාසය තබා සිටි අධිකරණය විසින් නිදොස් කොට නිදහස් කරනු ලැබීම ගැන සතුටු වන බවත් කබ්රාල් මහතා පැවසීය.

ග‍්‍රික බැදුම්කර නඩුවෙන් කබ්රාල් නිදොස් කොට නිදහස් කෙරේ..

ග්‍රීසියේ බැඳුම්කරවල මුදල් ආයෝජනය කිරීමෙන් රජයට අලාභයක් සිදු කළේ යැයි චෝදනා එල්ල කරමින් පවරා තිබූ නඩුවෙන් හිටපු මහ බැංකු අධිපති අජිත් නිවාඩ් කබ්රාල් මහතා නිදොස් කොට නිදහස් කර තිබේ.

කොළඹ මහාධිකරණ විනිසුරු මොහොමඩ් මිහාල් මෙම තීන්දුව ලබා දුන්නේ පවරා තිබූ නඩුවේ චෝදනා පත්‍රය අල්ලස් කොමිසම විසින්ම ඉල්ලා අස්කර ගැනීම හේතුයෙනි.