ජාතික ගමනාගමන කොමිෂන් සභාවේ අධ්‍යක්ෂ ජනරාල් නයෝමි ජයවර්ධන මහත්මිය ප්‍රකාශ කළේ, මේ සම්බන්ධයෙන් අවසන් තීරණය ගැනීමට ජාතික ගමනාගමන කොමිෂන් සභාව රැස්වීමට නියමිත බවයි.
වාර්ෂික බස් ගාස්තු සංශෝධනය අද (ජූලි 01) සිට ක්‍රියාත්මක කිරීමට මුලින් නියමිතව තිබුණද, ඉන්ධන මිල සංශෝධනය හේතුවෙන් එය ක්‍රියාත්මක නොකරන බව අධ්‍යක්ෂ ජනරාල් ජයවර්ධන මහත්මිය සඳහන් කළාය.
ඊයේ (ජූනි 30) සවස ලංකා ඛනිජ තෙල් නීතිගත සංස්ථාව (CPC) විසින් අද (ජූලි 01) සිට ක්‍රියාත්මක වන පරිදි ඉන්ධන මිල සංශෝධනයක් නිවේදනය කරන ලදී.
ඒ අනුව,
ඔක්ටේන් 92 පෙට්‍රල් ලීටරයක මිල රුපියල් 12කින් ඉහළ දමා රුපියල් 305ක් බවට පත්ව ඇත.
භූමිතෙල් ලීටරයක මිල රුපියල් 7කින් ඉහළ දමා රුපියල් 185ක් බවට පත්ව ඇත.
ඔටෝ ඩීසල් ලීටරයක මිල රුපියල් 15කින් ඉහළ දමා රුපියල් 289ක් බවට පත්ව ඇත.
ඔක්ටේන් 95 පෙට්‍රල් සහ සුපිරි ඩීසල් මිල ගණන් වල කිසිදු වෙනසක් සිදු වී නොමැත.