සීවලි අරුක්ගොඩ මහතා සඳහන් කරනු ලබන එම නිලධාරීන්ගේ කාර්‍යභාරය වී ඇත්තේ ග්‍රේලයින් 1 සහ 2 වෙත යොමුවෙන රතු ලේබල් සහිත බහාළුම් ස්කෑන් පරීක්ෂාවකින් පසුව භෞතික පරීක්ෂාවකින් තොරව නිදහස් කිරීම සඳහා නැවත මාර්ගගත කිරිම හෝ RCT වෙත පරීක්ෂාවක් සඳහා යොමු කිරීමය. එහිදී කමිටුව වෙත අදහස් දක්වන සීවලි අරුක්ගොඩ මහතා වැඩිදුරටත් ප්‍රකාශ කර ඇත්තේ මෙම කමිටුවේ විනිවිද පෙනෙන සුළුබව වැඩිකිරීම සඳහා තමන් විසින් මෙම කමිටු කාර්‍යයන් අධීක්ෂණය කළ බවය.
එම අධීක්ෂණ කාර්‍යභාරය පිළිබඳව සිය නිරීක්ෂණයන් දක්වන කමිටුව ප්‍රකාශ කරන්නේ ප්‍රස්තුත බහාළුම් 309 නිදහස් කළ දිනය වන 2025 ජනවාරි 18 වෙනි දින රැස්වූ කමිටුව සඳහා සහභාගීවී ඇත්තේ රේගු අධ්‍යක්ෂ එස්.ඒ.ටී.බී සුරවීර මහතා පමණක් බවය. ඒ අනුව ඔහුගේ එදින කාර්‍යභාරය නිරීක්ෂණය කිරීම සඳහා වර්තමාන රේගු අධ්‍යක්ෂ ජනරාල් සීවලි අරුක්ගොඩ මහතා සහභාගී වී සිට ඇති බව සඳහන් කරන එම කමිටු වාර්තාව ප්‍රකාශ කරන්නේ සීවලි අරුක්ගොඩ මහතා සිය අධීක්ෂණ කාර්‍යයෙන් ඉවත්වී බහාළුම් නිදහස් කිරීම සඳහා සහභාගීවී සිට ඇති බවය.
බහාළුම් 323ක ප්‍රමානයක් කිසිඳු වගවිභාගයකින් තොරව රේගුව විසින් නිදහස්කර යවා ඇතැයි මාධ්‍ය වාර්තා පළ වීමත් සමඟ ඒ පිළිබඳව සොයා බැලීමට 2025 ජනවාරි 30 වෙනි දින අංක එම්එෆ්/එස්ටී/01/02 ලිපිය මඟින් භාණ්ඩාගාර ලේකම්වරයා විසින් කමිටුවක් පත් කළ අතර එහි සභාපතීත්වය භාණ්ඩාගාරයේ නියෝජ්‍ය ලේකම් ඒ.කේ සෙනෙවිරත්න මහතා විසින් දරනු ලැබීය.
කේ. සංජීව
Rathu ira