මෙම සයිබර් ප්රහාරයන් සම්බන්ධයෙන් ශ්රී ලංකා පරිගණක හදිසි ප්රතිචාර සංසදය වෙත පැමිණිලි කර ඇති බව මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල මහතා තහවුරු කළේය.අමාත්යාංශ වෙබ් අඩවියේ ප්රදර්ශනය කර තිබූ ශ්රී ලංකා රාජ්ය ලාංඡනය විකෘති කර තිබීම සම්බන්ධයෙන් මාධ්ය වෙත අදහස් දක්වමින් අමාත්යවරයා මේ බව ප්රකාශ කළේය.
මෙය ඉතා බරපතළ තත්ත්වයක් බව පෙන්වා දුන් අමාත්යවරයා, රාජ්ය ලාංඡනය විකෘති කිරීමේ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව මගින් ද විශේෂ විමර්ශනයක් දැනටමත් ආරම්භ කර ඇති බව වැඩිදුරටත් සඳහන් කළේය.
වෙබ් අඩවියේ ආරක්ෂණ පද්ධති ශක්තිමත් කිරීමට සහ මෙවැනි සිදුවීම් ඉදිරියට වැළැක්වීමට අදාළ තාක්ෂණික අංශ කටයුතු කරමින් සිටින බව ද වාර්තා වේ.