‘ ග්‍රෑන්ඩ් හයිට්, කොළඹ ‘ ව්‍යාපෘතියේ කටයුතු අවසන් කිරීම සඳහා තවදුරටත් ඇමෙරිකානු ඩොලර් මිලියන 120 ක් පමණ (රුපියල් බිලියන 36 ක් පමණ) අවශ්‍ය වනු ඇතැයි මේ වන විට ඇස්තමේන්තු කර තිබේ.
ව්‍යාපෘතියේ ඉදිකිරීම් කටයුතු අවසන් කිරීම සඳහා තවදුරටත් අවශ්‍ය අරමුදල් එම සමාගමේ කොටස් හිමියන්ගෙන් හෝ ණය මූල්‍ය කරණය හරහා හෝ ලබා ගැනීමට පවතින අපහසුතාව සැලකිල්ලට ගෙන, සමාගමේ කොටස් විකිණීමේ ක්‍රියාවලියක් හරහා අවශ්‍ය අරමුදල් සලසා ගෙන ව්‍යාපෘතියේ ඉදිකිරීම් කටයුතු අවසන් කර, වාණිජමය මෙහෙයුම් ආරම්භ කිරීම වඩාත් යෝග්‍ය විකල්පය වශයෙන් හඳුනාගෙන ඇත.
ඒ අනුව, කැන්විල් හෝල්ඩින්ග්ස් (පුද්ගලික) සමාගමේ කොටස් අයිතිය බැහැර කිරීමේ ක්‍රියාවලිය නැවත ආරම්භ කිරීමටත්, ඒ සඳහා තවදුරටත් ගනුදෙනු උපදේශක ලෙස ඉන්දියාවේ ඩෙලොයිට් ටච් හමත්සු එල්කපී සමාගමේ සේවය ලබා ගැනීමටත් මුදල්, ක්‍රම සම්පාදන සහ ආර්ථික සංවර්ධන අමාත්‍ය වශෙයන් ජනාධිපතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.