ඒ් අනුව සංගීත ප්‍රසංගය කළ භාතිය-සන්තුෂ් නමැත්තන්ද සිද්ධියේ සැකකරුවන් විය යුතු යැයිද මෙම සියලු කරුණු අනාවරණය කරමින් රහස් ප්‍රකාශයක් දීමට වුවත් තමන් සූදානම් බවත් ඇය දැනුම් දුන්නාය.
ප්‍රසම්පාදන ක්‍රියාවලියකින් තොරව උත්සව සංවිධානය කටයුතු සමාගමකට බාරදී රජයට රුපියල් 276 පාඩුවක් කර ඇතැයි කියමින් අල්ලස් කොමිසම ඉදිරිපත් කළ පැමිණිල්ල කැඳවූ අවස්ථාවේදී හිටපු සාමාන්‍යාධිකාරිනිය වෙනුවෙන් පෙනී සිටි නීතීඥ නුවන් ජයවර්ධන මහතා මේ බව දැනුම් දුන්නේය.
අල්ලස් කොමිසමේ සහකාර නීති අධ්‍යක්ෂ නීතිඥ සුලෝචනා හෙට්ටි ආරච්චි මහත්මිය කරුණු දක්වමින් පැමිණිල්ලට පාදක වූ වේරැස් ගඟ ව්‍යාපෘතියේ පළමු අදියර විවෘත කිරීමේ උත්සව කටයුතු සඳහා රජයෙන් මුදල් වෙන්කර නොතිබියදී ප්‍රසම්පාදන ක්‍රියාවලියකින් තොරව ව්‍යාපෘතිය සඳහා රුපියල් ලක්ෂ 276 ක් වෙන්කර ඇතැයි දැනුම් දුන්නාය.
කරුණු සලකා බැලූ කොළඹ ප්‍රධාන මහෙස්ත්‍රාත් තනුජා ලක්මාලි රුපියල් මිලියන 5 බැගින් වූ ශරීර ඇප 2 ක් මත සැකකාරිය මුදාහරින ලෙස නියම කළාය.
සැකකාරියගේ විදෙස් ගමන් තහනම් කළ ප්‍රධාන මහෙස්ත්‍රාත්වරිය විදෙස් ගමන් බලපත්‍රය අධිකරණය වෙත ඉදිරිපත් කරන ලෙස සැකකාරියට නියම කළාය.
අදාළ නඩුව ලබන 24 වැනිදා යළි කැඳවීමට නියමිතය.