රජයේ වතු බංගලාවක් මහ ඇමතිවරයෙක් බලෙන් අල්ලාගනී..

රජයට අයත් වැවිලි සමාගමකට බදු දී ඇති වත්තක නිල නිවසක් උතුරු පළාතේ හිටපු මහ ඇමතිවරයෙකු විසින් බලහත්කාරයෙන් අත්පත් කර ගැනීම සම්බන්ධයෙන් වැවිලි සහ ප්‍රජා යටිතල පහසුකම් අමාත්‍යාංශය පරීක්ෂණයක් ආරම්භ කර තිබේ.

මෙම සිද්ධියට අදාළව වාර්තා වන්නේ හැටන් වැවිලි සමාගමට බදු දී ඇති කැරොලිනා වත්තේ, බිනෝයා කොටසේ පිහිටි වතු ක්ෂේත්‍ර නිලධාරියෙකුගේ නිල නිවසක් මෙලෙස අත්පත් කරගෙන ඇති බවය.

වාර්තාවලට අනුව, මෙම වතු නිවසට ආසන්න ඉඩමකට අදාළව හිටපු මහ ඇමතිවරයා විසින් නඩුවක් ගොනු කර තිබේ.

එම නඩුවට අදාළ ඉඩමට වතු ක්ෂේත්‍ර නිලධාරියාගේ නිල නිවස සහ ඉඩම ද අයත් බව පවසමින්, ඔහු විසින් මෙම නිවස බලහත්කාරයෙන් අත්පත් කරගෙන ඇති බවට මේ වන විට අනාවරණය වී ඇත.