කලාභවන ප්‍රතිසංස්කරණය සඳහා වසා දමා තිබූ සමයේ මෙම සිතුවම් අතුරුදහන් වී ඇති අතර, ඒ සඳහා එවකට සේවයේ නිරතව සිටි මුරකරුවන්ගේ සහාය ලැබී ඇති බවට තොරතුරු ලැබී ඇත. අතුරුදහන් වූ වටිනා සිතුවම් අතර ඒ.සී.ජී.එස්. අමරසේකර සහ ජේ.ඩී.ඒ. පෙරේරා වැනි කීර්තිමත් චිත්ර ශිල්පීන්ගේ නිර්මාණ ද වෙයි.
මේ සම්බන්ධයෙන් අදහස් දැක්වූ සංස්කෘතික අමාත්‍ය ආචාර්ය හිනිඳුම සුනිල් සෙනෙවි මහතා, ජාතික කලාභවනෙන් වටිනා සිතුවම් රැසක් අතුරුදහන් වී ඇති බව තහවුරු කළේය. අමාත්‍යවරයා වැඩිදුරටත් සඳහන් කළේ මේ පිළිබඳව අවශ්‍ය නීතිමය පියවර ගනිමින් සිටින බවයි.
නඩත්තු කටයුතු හේතුවෙන් දැනට වසා දමා ඇති ජාතික කලාභවන කඩිනමින් විවෘත කිරීමෙන් පසු අතුරුදහන් වූ සිතුවම් ලබා ගැනීමට කටයුතු කරන බව ද අමාත්‍යවරයා පැවසීය.