ඊයේ (ජූලි 22) පාර්ලිමේන්තුවේදී සිදුකළ කතාවක් අතරතුර, “ලෝවැඩ සඟරාවේ” එන සුප්‍රකට “කරන කලට පව් මීරිය මී සේ” කවිය උපුටා දැක්වීමේදී සිදුවූ වරදක් මුල්කරගෙන, තම විනාඩි පහළොවක මුළු කතාවේම හරය නොසලකා හැරීම සම්බන්ධයෙන් ඔහු සිරස නාලිකාවේ “සටන” වැඩසටහනට එක්වෙමින් චෝදනා කළේය.
නියෝජ්‍ය අමාත්‍යවරයා පාර්ලිමේන්තුවේදී සිය කතාව පවත්වමින් සිටියදී, ආගමික සහ සදාචාරාත්මක අගයන් අවධාරණය කිරීම සඳහා “ලෝවැඩ සඟරාවේ” කවියක් උපුටා දැක්වීමට උත්සාහ කළේය. “කරන කලට පව් මීරිය මී සේ” යනුවෙන් ආරම්භ වන මෙම කවිය සිංහල සාහිත්‍යයේ ඉතා ජනප්‍රිය සහ අර්ථවත් කාව්‍ය නිර්මාණයකි.
කෙසේ වෙතත්, උපුටා දැක්වීමේදී යම් වචන දෝෂයක් සිදුවී ඇති අතර, එය සමාජ මාධ්‍ය හරහා වේගයෙන් පැතිර ගියේය.
මහින්ද ජයසිංහ මහතා වෘත්තීය වශයෙන් වසර විස්සකට අධික කාලයක් ගුරුවරයෙකු බැවින්, මෙවන් වැරදීමක් සිදුවීම සමාජ මාධ්‍ය ඔස්සේ දැඩි විවේචනයට ලක් විය. බොහෝ දෙනෙක් ප්‍රකාශ කළේ ගුරුවරයෙකු ලෙස ඔහුගෙන් මෙවන් වැරදීමක් සිදුවීම අනුමත කළ නොහැකි බවයි.
“ලෝවැඩ සඟරාව” යනු වීදාගම මෛත‍්‍රී හිමියන් විසින් රචිත රචිත සදාචාරාත්මක උපදෙස් ඇතුළත් කාව්‍ය සංග්‍රහයකි. එහි එන “කරන කලට පව් මිහිරිය මීසේ” කවිය, මිනිසුන් පව් කිරීමේදී ලබන ක්ෂණික සතුටත්, එහි පසුව විපාක ලබන කටුකත්වයත් මනාව විස්තර කරයි.
කරන කලට පව් මිහිරිය මීසේ
විදින කලට දුක් දැඩිවෙයි ගිනිසේ
ඇඳින එපව් දුරලන උපදේසේ
නුදුන මැනවි තුන් දොර අවකාසේ
තේරුම:
පව් කරන විට මිනිසාට එය මිහිරි ලෙස දැනේ. නමුත් එම පව් වල විපාක විඳින කල එය ගිනි ජාලාවක් මෙන් වේදනාවක් ගෙනදේ. පව් දුරු කරන කලට කිසිදු දෝෂයක් නැත. එය මෙලොව සහ පරලොව යන දෙලොවටම සැප සලසා දෙයි.