අදාල සමාගමේ ප්‍රධාන විධායක නිලධාරී ෂෙමුවෙල් Shmuel Yoskovitz පවසා ඇත්තේ, මෙම මුදල ගෙවීම ජාත්‍යන්තර නාවික කර්මාන්තයට පුළුල් බලපෑමක් ඇති කරනු ඇති බවත්, එමගින් “වැරදි පූර්වාදර්ශයක්” ඇති විය හැකි බවත්ය.
2021 ජූනි මාසයේදී කොළඹ වරාය ආසන්නයේ ගිනි ගැනීමකට ලක්වූ MV X-Press Pearl නෞකාව, සති දෙකක් පමණ ඇවිලී ගිය ගින්නකින් පසුව මුහුදුබත් විය.
මෙම ගින්න නයිට්‍රික් අම්ල කාන්දුවක් නිසා ඇති වූවක් බවට විශ්වාස කෙරේ. එහි භයානක භාණ්ඩ බහාලුම් 81ක් ද, අම්ල සහ lead ingots ද, ප්ලාස්ටික් පෙති ටොන් සිය ගණනක් ද අඩංගු විය.
මෙම නෞකාව ශ්‍රී ලංකාවේ මුහුදු සීමාවට පැමිණීමට පෙර, කාන්දු වන නයිට්‍රික් අම්ල ඉවත් කිරීම සඳහා කටාර් සහ ඉන්දියානු වරායන්ගෙන් අවසර ඉල්ලූවද, එය ප්‍රතික්ෂේප කර තිබුණි.
නෞකාවෙන් මුහුදට මුසු වූ ක්ෂුද්‍ර ප්ලාස්ටික් කැබලි ටොන් ගණනක් ශ්‍රී ලංකාවේ බටහිර වෙරළ තීරයේ කිලෝමීටර් 80ක් (සැතපුම් 50ක්) පුරා පැතිරී ගියේය. එමගින් මාස ගණනාවක් පුරා ධීවර කටයුතු තහනම් කිරීමට ද සිදු විය.
ශ්‍රී ලංකාවේ ශ්‍රේෂ්ඨාධිකරණය පසුගිය ජූලි මාසයේදී අදාළ සමාගමට වසරක් ඇතුළත “මූලික” වන්දි වශයෙන් ඇමරිකානු ඩොලර් බිලියනයක් ගෙවන ලෙස නියෝග කළ අතර, එහි පළමු වාරිකය වන ඇමරිකානු ඩොලර් මිලියන 250 අද දිනය වන විට ගෙවිය යුතු විය. කෙසේ වෙතත්, X-Press Feeders සමාගම සඳහන් කර ඇත්තේ, මෙම වන්දි මුදල ගෙවීම වෙනුවට ශ්‍රී ලංකා රජය සමග සාකච්ඡා කිරීමට සූදානම් බවයි.